Oqaluttuarit

Misilittakkatit ingerlateqqikkit.

Oqaluttuarisassat illit imigassamik atornerluisutut imigassamillu atornerluisumut qanigisatut inuuninni misigisimasatit pillugit imaqassaaq.
Oqaluttuassat inuunerit tamaat misigisatillu tamaasa pillugit imaqartariaqanngilaq.
Oqaluttuaasinnaavoq inuunivit ingerlanerata ilaani misigisimasatit aalajangersimasut pillugit oqaluttuaq.
Pingaaruteqartoq tassaavoq, misigisimasatit oqaluttuarerusutatit ilumoortumik uummatinnit oqaluttuarissallugit.

Immaqa meeraaninni misigisimasatit misigissutsikkullu aporaaffiit taamani misigisimasatit oqaluttuaralugit allaaserisinnaavatit?
Immaqaluunniit inuunerit oqaluttuarisinnaavat, meeraanerit, atuartuunerit, inersimasunngornerit, ullumikkullu imigassamik atornerluineq qanoq isiginerit?
Imaluunniit misigisaq aalajangersimasoq misigissutsikkut artorsaatigisimasat, kamannermik, imminut pisuutinnermik, iliuusissaarunnermilluunniit imaqarsimasoq allaaserisinnaavat.
Aamma ikiortissarsiorluni qanoq artornartiginersoq allaaserisinnaavat, qanorlu ajunngitsigisumik ikiortissarsioreerluni misigisimanarnersoq allaaseralugu. Allaaserisassat illit nammineq oqaluttuassartarivat, illit aalajangissavat qanoq allanneqassanersoq qanorlu maani Hope Alkohol-imi saqqummiunneqassanersoq.