Oqaluttuat

Oqaluttuat piviusut inunnit assigiinngitsorpassuarnit allanneqarsimapput, kisianni tamarmik assigiissutigaat atornerluisutut imaluunniit atornerluisumut qanigisatut inuunerminni imigassamik annertuumik imaqartinneqarsimagamik.
Inuit amerlasuut oqaluttuat piviusut atuareerlugit ikiortissarsiornissaminnut piumassuseqalertarput.

Ilisimaneqarluarpoq imigassamik atornerluisutut, imigassamik annertuallaamik atugaqartutut qanigisaasutullu ajornartorsiutit piviusut nassuerutigissallugit artornarsinnaasoq.
Katsorsaasunullu imaluunniit siunersuisartunut attaveqarniarnissaq aqqutitut takisoorujussuartut misiginarsinnaasarpoq.
Kisianni immaqa maani Hope.gl-imi nammineq taamatut ajornartorsiuteqarnerit kisivit misigisimanagu takusinnaalerukku piuminarnerulissaaq.
Inuppassuit allat anniaateqarlutik, imminut pisuutillutik kanngusullutillu inuuneqarsimasut, nuannaarlutik pitsaasumik inuuneqalersimapput.
Ilai uani naapissinnaavatit.