Imigassaq pillugu paasissutissat

Imigassamik annertuumik atuineq timikkut, tarnikkut inuttullu ajoqusiisarpoq.
Imigassaq timip pisataanik amerlanernik toqunartutut sunniuteqartarpoq.
Qanoq annertutigisumik imigassartortarnerit, qanorlu sivisutigisumik imigassartortarsimanerit apeqqutaalluni timip pisatai ajoquserneqartarput.

Imigassaq (ethanol) ukiuni hundredekkaani nunarsuarmi aanngajaarniutitut atorneqarnerpaasimavoq. Imigassaq taannaavoq aanngajaarniutitut atorneqarnerpaasoq peqqissutsimullu ajoqusiisinnaanerpaasartoq.
Ilaqutariit katerisimaartillugit imigassaq nuannaarniutitut atorneqartarpoq, illuatungaanili aamma imigassaq pissutaalluni ilaqutariippassuit sequminneqartarlutik.

Piffissap sivikitsup iluani annertuumik imigassartortarsimanerup kingunerisaanik ajoqusernerit, imigassartorunnaarnermi amerlanertigut aaqqinneqarsinnaasarput.
Ataavartumik ajoqutigiligaq imigassartorunnaarnermi amerlanertigut annertuumik pitsanngortinneqarsinnaavoq.
Imigassaq timikkut assigiinngitsutigut ajoqusiisinnaavoq:

 

  • Kingunerlutsitsineq, takusuusineq, noqarneq, atuipilussimanermi deleerialerneq
  • Tarnikkut anniaatit
  • Sinissinnaajunnaarneq
  • Tingukkut ajoquserneq
  • Taqqat tinuneratigut aanaarneq
  • Sianiutitigut aseruuttoorneq
  • Aqajaqqup sanilequtaanik aseruuttoorneq
  • Qaratsakkut
  • Uummallunneq
  • Nukeerukkiartorneq
  • Aqagaqqumik putusoorneq
  • Amip allannguuteqarnera
  • Qanikkut kræfteqalerneq
  • Aap naqitsinerata qullarnera